Колку се пристапни институциите за лица со посебни потреби и родители со детски колички!?

Пристапноста до институциите не е привилегија, туку стандард и основно човеково и граѓанско право.

Со претставување на ПРАШАЛНИКОТ за самопроценка за пристапност на лицата со посебни потреби, родителите и старателите со детски колички и лицата кои користат помагала при движење, упатен до јавните институции, јавните установи, министерствата, органите на државната управа, единиците на локалната самоуправа, подрачните служби, јавните претпријатија, граѓанските
организации и другите правни субјекти кои обезбедуваат услуги од јавен интерес, започна реализацијата на проектот „Дигитален Зелен Пристап – Младите Мапираат за Инклузивна Демократија“, на Фондацијата Импакт Нет.

Под мотото Open Doors Institutions 4 ALL – фондацијата ја реализираше, Тренинг работилница и презентација на проектот во Europe House Veles.

Прашалникот има повеќе области за самопроценка и може да се пронајде на следниот ЛИНК: https://forms.gle/KSPk72P7kxanBgpy8

Digital Green Access е иницијатива за дигитална демократија предводена од млади луѓе и Фондацијата Импакт Нет. Иницијативата одговара на долготрајниот проблем со непристапноста на јавните институции поради физички бариера за лица со физичка попреченост, родители со детски колички, за лица кои користат помагала за движење и за лица со оштетен слух и вид.

Проектот е креиран со цел зајакнување на граѓанскиот простор преку обезбедување дигитални алатки за инклузивна демократија во институциите чија пристапност и физички бариери не треба да исклучуваат никого и треба да обезбедат трансформација на пристапноста на институциите од скриен инфраструктурен проблем во видлив демократски приоритет зашто пристапноста и достапноста на институциите не е привилегија туку основно човеково право.

Активностите ќе овозможат широка соработка со организациите за лица со попреченост и со јавните институции.

Проектот е во имплементација на Фондацијата Импакт Нет и младите лидери од XYZ Green Gen и Impact Hub, ученици од четирите средни училишта во Велес.

Креатор на иницијативата и иновацијата е Стевче Дечев, а координатор на проектот е Александра Димитриоска, во активна соработка со Далиборка Златева и Здружение на лица со церебрална парализа и други попречености – Велес.

Проектот „Дигитален зелен пристап: Младите мапираат за инклузивна демократија“ е поддржан преку грантовата шема Digital Spark, како дел од проектот Регионален механизам за поддршка EECA, спроведуван од Фондацијата Метаморфозис и TechSoup, во партнерство со CIVICUS и во рамките на Digital Democracy Initiative (DDI), која го опфаќа Глобалниот Југ.

Координатор на проектот, Александра Димитриоска напомена дека после можноста за самопроценка од институциите ќе се изврши и теренско мапирани од страна на младите лидери.

Остварувањето на основните граѓански и човекови права и обврски пред јавните (државни, локални) институции е основно право и потребата од трансформација и инклузија во општеството е потребна да се оствари веднаш, за никој да не биде исклучен.

Со прашања се вклучија и младите лидери од XYZ Green Gen и Impact Hub, ученици од четирите средни училишта во Велес кои добија и директни емотивни одговори од лица со попреченост со кои секојдневни пречки, предизвици и бариери се соочуваат.

Младите лидери извршија и претставување на дигиталната апликација која ќе се креира и која ќе биде алатка за мапирање на пристапноста на институциите.

Водители на настанот беа: Лука Панов и Анѓела Колодезни.

Видео и фотографија: Димитар Андонов, асистент: Бубе Лазов.

Млади лидери организатори на настанот и во проектот: Александар Јорданов, Марко Ангелов, Лука Андреев, Димитрија Србов, Антонио Неделчев, Бојана Мицевска, Димитар Кузманов и други.

Проектот е во имплементација на Фондацијата Импакт Нет, а е поддржан преку грантовата шема Digital Spark, како дел од проектот Регионален механизам за поддршка EECA, спроведуван од Фондацијата Метаморфозис и TechSoup, во партнерство со CIVICUS и во рамките на Digital Democracy Initiative (DDI), која го опфаќа Глобалниот Југ.

CIVICUS: World Alliance for Citizen Participation #DDI Metamorphosis Foundation #MetamorphosisFoundation #TechSoupTechSoup #EECA #DigitalDemocracy #ImpactNet #foundation #youth #veles #peoplewithspecialneed #greenmapping #Veles #inlusion #democracy #EUDelegation of the European Union to North Macedonia