потребна е дебела кожа и еластичност за успех во бизнисот!
Сите сме слушале приказни за таканаречени успеси преку ноќ.
Па, тука сум да ви кажам дека тие се мит.
Но, што може да се каже за луѓето што добиваат на лотарија или наследуваат голема сума пари?
„Не ги сметам тие луѓе за успешни приказни.“
Тие се секако среќни – и нека им е со среќа – но постои голема разлика помеѓу судбината која ќе ви се насмее и да постигнете успех како резултат на вашиот сопствен напор.
Потребна е тврдоглавост, издржливост и потребна е голема напорна работа за да се постигне успех, и тоа никогаш не се случува преку ноќ.
Што може да се каже за оние паметни ИТ глави во Силиконската долина, кои развиле успешни апликации и страници за социјални медиуми кои сега вредат милијарди?
Погледнете ги нивните приказни, сепак, и можам да гарантирам дека ќе најдете неуспеси, грешки и фрустрации и на нивниот пат.
Вистинскиот трик, вистинскиот клуч за успехот, е во истрајноста и дистанцирањето од низа нешта.
И нема да биде лесно.
Ќе има моменти кога ќе се прашувате зошто да не си имате редовна работа или зошто не се држите до нешто попредвидливо или посигурно.
Сепак, наградите на крајот вредат часови болка и фрустрација.
Еве како да го задржите курсот кога сакате да се откажете:
- ПОТСЕТУВАЈТЕ СЕ СЕБЕ СИ ЗА РЕАЛНОСТА
Ова е најтешкото од сите.
Ако се ставате себеси постојано и постојано во ситуација да слушате што е успешност но „без да си заблагодарите самите“, тогаш има смисла да почнете да се сомневате во себе.
Можеби ќе започнете да ги преиспитувате своите способности, и да се запрашувате дали можеби сомнежите се реалност.
Понекогаш ќе си кажете дека сте лути што ги бркате своите соништа и дека сомнежите се во право.
И ова е точка каде што повеќето луѓе се откажуваат, но ако можете да ја слушате вашата внатрешност, внатрешниот глас што вели дека сте на прав пат, тогаш ќе ги искористите можностите.
- БИДЕТЕ СПРЕМЕНИ ЗА КОМПРОМИС
Иако е важно да останете верни на себе, исто така треба да бидете реални во врска со вашиот проект и да знаете за што можете и апсолутно за што не можете да направите компромис.
Гледајте, постојат два вида претприемачи: оние кои одбиваат да направат компромис за било што и оние кои не веруваат во себе и прават компромис за се.
Целта е некаде во средината.
Ако сакате да бидете верни на вашата визија, бидете во позиција за компромис за да овозможите практичност од размислувањата и идеите на другите.
- НЕ ЗЕМАЈТЕ ГО ОТФРЛАЊЕТО ЛИЧНО
Колку сте способни во тоа да го слушнете зборот „не“?
Кога првпат започнувате нешто, знајте ќе го слушнете тоа многупати.
Отпрвин ова ќе изгледа чудно и малку збунувачки или разочарувачки.
Мислите, дека секој друг може да ја види вредноста на вашата идеја?
Во тој момент некои луѓе ќе бидат лути.
Тие го земаат отфрлањето или недостаток на посветеност од некого премногу лично.
Мој совет е: немојте.
Потребна ви е дебела кожа и еластичност за да преживеете во бизнисот и најдобрите претприемачи знаат како да учат од отфрлањето или одбивањето.
Тие не го сфаќаат тоа лично и сфаќаат дека тоа е само дел од патувањето.
- ПОТСЕТЕТЕ СЕ ЗАШТО ГО ПРАВИТЕ ОВА?!
Кога работите стануваат тешки, кога не можете да ја видите шумата од дрвјата, време е да застанете и да се потсетите зошто сте на ова патување.
Можеби тоа е затоа што сте страсни за она што се обидувате да го создадете или направите, можеби сакате да изградите подобар живот за вашето семејство, можеби не сакате да се разбудите еден ден на 65 години и да се прашувате: „што ако ова беше на овој и овој начин?“
Најверојатно, може тоа да е комбинација и од сите три работи затоа се осмелувам да кажам, уште нешто.
Вреди да ги запишете сите причини зошто бркате одреден сон и лепите потсетиници над вашата работна маса.
Кога состојбата ви изгледа невозможна, погледнете ја долго напорната листа што треба да направите.
Дали постои одреден претприемач, деловно лице или инвеститор што ве инспирира?
Проучете го неговиот живот, прочитајте ги неговите книги и објавете ги омилените цитати од ннего некаде каде што можете да ги гледате за да ве потсетуваат.
Ако можете да совладате некој од овие совети, тогаш сте на половина пат.
Добрата идеја е онаа што чека да се види на крајот.
Шансите постојат но ако не се држите до вашата добра идеја, некој друг ќе го направи тоа. А тогаш колку пофрустрирачки би било сето тоа.
ти посакувам се најдобро,
Емил Сундел
