Битола Зелена – Зелена Опција За Градот на Конзулите
![](http://green-press.com/wp-content/uploads/2021/08/bitola-saat-kula.jpg)
И битолчани на престојните локални избори ќе имаат опција да изберат свои советници од вистински и посветени зелени борци. Градот на конзулите ќе има можност да постане Зелен Град по мерка на граѓаните.
Носител на листата е Ристенка Алтипармаковска, досегашен советник и препознатлив и признат зелен борец.
Алтипармаковска на својот профил на Facebook напиша: „БИТОЛА ЗЕЛЕНА! Благодарам БИТОЛЧАНИ за секој Ваш потпис! Вашиот потпис е моја должност за Битола и БИТОЛЧАНИ.“
![](http://green-press.com/wp-content/uploads/2021/08/193251366_1013975855804492_2008297444277777496_n.jpg)
И со досегашниот мандат како единствен зелен Советник, Алтипармаковска успеа да ја актуелизира потребата од ЗЕЛЕНА опција за Битола. Веруваме дека и со новиот мандат Битола ќе продолжи уште поуспешно да биде дел од имплементацијата на Зелената Агенда за Македонија и Западен Балкан.
Фокусот на лицата кои се дел од оваа Зелена листа за Советот ќе биде кон зачувување на автентичниот изглед на Битола – што претставува белег на Битола и спој на минатото со посветена грижа за препознатлива иднина! Друг битен фокус на зелените ќе биде јавниот превоз, велосипедските патеки, заштитата на природните ресурси и справување со дивите депонии.
Покрај сивилото на политичката сцена со оваа зелена листа битолчани ќе имаат можност да гласаат за зелена опција и со тоа да чекорат кон европските трендови на трансформација на општествата кон зелено.